Desa Ularan

1.Legenda Desa

Menurut Sejarah dan Legenda yang disampaikan sesepuh dan tetua yang ada di desa ularan tidak terlepas dari kisah pada jaman kerajaan Kelungkung dulu tentang terusirnya seorang Patih kerajaan Kelungkung sampai "keden bukit" sebelah utara pegunungan Bali sekarang wilayah Buleleng hingga sampai di perbukitan Hutan tempat desa Ularan sekarang sebagaimana kisah sejarah Desa Ularan sebagai berikut :

“ BABAD DESA PAKRAMAN ULARAN “

Desa Ularan ngeranjing soroh Desa Kune ring sejebag utawi ring wewidangan jagat Buleleng. Desa Ularan magenah ring Kaler Kauhan kota Seririt kirang langkung pitung kilo meter saking kota seirit.

Indik Babad Utawi kawentenan pemargin utawi babad Sira “ Arya Ularan “ utawi “ Ki Lampor “ , Sira Arya Ularan boya sios wantah Pepatih ring puri Gelgel (Kelungkung) duk penyenengan “ Ida Dalem Watu Renggong “ ingih punika IsakaWarsa 1372 – 1470 (Siwu Telung Atus Pitung Dasa Dua jantos Siwu Samas Pitung Dasa) utawi tahun 1460-1550 Masehi, sakewanten riantukan kala punika dane patih ularan iwang ring sajeroning ngemargiang titah Ida Dewagung Dalem Watu Renggong, inggih punika Patih Ularan nyedayang Ida Dalem Juru sane dados agung ring jagad Belangbanngan.

Punika awinan dane patih ularan kausanang dados pepatih raris kanorayang,   wit saking punika raris dane Patih Ularan mabiseka “ Ki Lampor “ raris dane Ki Lampor kenikayang mangde nilar puri kelungkung tur kanikayang mangde ngurang lampah kaicain tanah utawi genah ring Den Bukit palemahan Buleleng. Sepetilar dane Ki Lampor kepaica panjak satak diri mangde wenten ngiringang pemargin dane ( awinan rawuh mangkin kari sane kebawos “ Wed Ularan “ )

Gelisang cerita pemargin dane Ki Lampor ke Den Bukit ngelintangin sisi kauh  Gunung Watu Karu dane polih mesandekan ring Desa Gobleg: Maka cihna irika ring Gobleg wenten “ Pura Ularan “ miwah “ Pura Belangbangan “

Tan Caritanan dane ring Gobleg raris dane ngelanturang pemargi nedunang rauh ring “Desa Busungbiu “ irika Ida mesandekan, kala punika raris dane ngewangun “ Pura Taman “  maka cihna baktin dane Ki Lampor majeng ring Ida Dewi Seri utawi Dewi Laksmi, sepenyenengan dane ring Busunbiu manut tutur Panelingsir sakeng “Desa Sidatapa“ kebawos dane “ Arya Ularan “ polih matetulung ring Desa Sidatapa nambanin panyungkan “ Gering Gerubug “ nika ngawinang wenten silih sinunggil kerama Desa Sidatapa Kecamatan Banjar rauh mangkin nyiwi bakti ring Pura Desa Ularan.

            Kasuwen suwen raris dane Arya Ularan kesah sakeng Busungbiu ngelanturang pemargin dane ngelod kauhang nuju genah “ Desa Ularan mangkin “ , duk punika durung wenten Desa kantun Alas Kocap.

Kala irika raris dane ngabas alas kairing antuk panjak dane maka satak diri ngewangun desa saha metetanduran pala wija miwah sane siosan gumanti nyaratang pengupa dita.

            Raris dane Arya Ularan punika tan pegat utsaha ring sajeroning ngertiang panjak dane mangda presida mangguh rahayu nejalaran antuk sering dane ngelarang “ Tapa Berata “, ring genah sane pingit, mewastu rauh mangkin dados genah pura keanggen oleh ikrama Desa Ularan , kewastanin “ Pura Tapanan “ , taler kewastanin “ Pura Ulu “ genah dane “ Arya Ularan “ metape sane dumun, sakewanten indik kagunan Pura punika mangkin kanggen Pura Puseh lan Pura Subak Tegal.

            Sios ring punika dane “ Arya Ularan “ naler ngewangun Pangelin – eling inggih punika “ Meru “ ,  makecihna Baktin dane Arya Ularan majeng Ida Dalem Watu Renggong. Taler Pinaka cihna dane Arya Ularan nahanin ngiring Ida Dalem , inggih punika dados pepatih , awinannya Meru sane kewangun punika Meru Tumpang Pitu ( 7 ) pateh ring Meru sane wenten ring pedarman Dalem Watu Renggong ( Meru Tumpang Pitu ), Meru pengeling eling punika kagenahang ring Pura Desa Ularan, sakewanten duk warsa 1976 masehi, meru punika pungkat antuk wenten Lenuh ageng ( Gempa ) raris kala punika kebecikang Meru punika kedadosang Tumpang Sia ( 9 ) olih panyungsung sametonan Gusti Patemon.

            Inggih kadi asapunika mungguwing Babad kawentenan Desa Ularan,  Cutetang tiatiang wastan desane “ ULARAN “  wit saking pesengan sane ngewangun , inggih punika “ ARYA ULARAN “ utawi “ KI LAMPOR “.

2. Sejarah Perkembangan Desa

Menurut sejarah perkembangan Desa Ularan, yang secara terang tidak dapat kami sampaikan secara jelas dapat kami jelaskan melalui sekenario kepemimpinan Desa Ularan sebagai berikut: